റോഡ് സേഫ്റ്റി ക്രിക്കറ്റ് സീരീസിൽ ദക്ഷിണാഫ്രിക്കയ്ക്ക് 9 വിക്കറ്റ് വിജയം. ന്യൂസിലൻഡിനെ നേരിട്ട ദക്ഷിണാഫ്രിക്ക ഇതിഹാസങ്ങൾ വളരെ അനായാസം ആണ് ഇന്ന് ജയിച്ചത്. ഇന്ന് ആദ്യം ബാറ്റി ചെയ്ത ന്യൂസിലൻഡിന് 99 റൺസ് മാത്രമേ എടുക്കാനെ ആയുള്ളൂ. 48 റൺസ് എടുത്ത ബ്രൗൺലി മാത്രമെ ന്യൂസിലാൻഡിനായി തിളങ്ങിയുള്ളൂ. റോസ് ടെയ്ലർ അടക്കം ബാക്കി ന്യൂസിലൻഡ് ബാറ്റ്സ്മാന്മാർ ഒക്കെ പരാജയപ്പെട്ടു.
ദക്ഷിണാഫ്രിക്കക്ക് ആയി ജൊഹാൻ ബോത നാലു വിക്കറ്റുകൾ വീഴ്ത്തി. ഷബലല മൂന്ന് വിക്കറ്റും വീഴ്ത്തി.
ദക്ഷിണാഫ്രിക്കയ്ക്ക് ആയി പുറ്റിക്ക് 51 റൺസും പീറ്റേഴ്സൺ 29 റൺസും എടുത്തും. ഇരുവരും ക്രീസിൽ തന്നെ ഉണ്ടായിരുന്നു. വാൻ വൈൽ 14 റൺസ് എടുത്ത് പുറത്തായി.
