സന്നാഹ മത്സരത്തിനിടെ കൈവിരലിനേറ്റ പരുക്കിൽ നിന്ന് മോചിതയായിട്ടില്ലാത്ത ഇന്ത്യൻ താരം സ്മൃതി മന്ദാന ടി20 ലോകകപ്പിലെ ആദ്യ മത്സരത്തിൽ കളിച്ചേക്കില്ല. ഞായറാഴ്ച്ച പാക്കിസ്ഥാനെതിരെ ആണ് ഇന്ത്യ ഇറങ്ങുന്നത്. തിങ്കളാഴ്ച ഓസ്‌ട്രേലിയയ്‌ക്കെതിരായ സന്നാഹ മത്സരത്തിനിടെ ആയിരുന്നു 26 കാരിയായ ഓപ്പണറുടെ ഇടത് നടുവിരലിന് പരിക്കേറ്റത്. ബംഗ്ലാദേശിനെതിരായ ഇന്ത്യയുടെ രണ്ടാം സന്നാഹ മത്സരം മന്ദാനയ്ക്ക് നഷ്ടമായിരുന്നു.
ക്യാപ്റ്റൻ ഹർമൻപ്രീത് കൗറിന്റെ ഫിറ്റ്‌നസും ആശങ്കയിലാണ് എന്നാണ് റിപ്പോർട്ടുകൾ. ഹർമൻപ്രീത് തോളിന് പരിക്കേറ്റതിനാൽ രണ്ട് സന്നാഹ മത്സരങ്ങളിലും കളിച്ചിരുന്നില്ല.
