ഗില്ലാടി!!! ശുഭ്മന്‍ ഗില്ലിന്റെ ഇരട്ട ശതകത്തിന്റെ ബലത്തിൽ ന്യൂസിലാണ്ടിനെതിരെ കൂറ്റന്‍ സ്കോര്‍ നേടി ഇന്ത്യ

Shubmangill

ശുഭ്മന്‍ ഗില്ലിന്റെ ഒറ്റയാള്‍ പ്രകടനത്തിന്റെ ബലത്തിൽ ന്യൂസിലാണ്ടിനെതിരെ 349 റൺസെന്ന കൂറ്റന്‍ സ്കോര്‍ നേടി ഇന്ത്യ. രോഹിത് ശര്‍മ്മ(34), സൂര്യകുമാര്‍ യാദവ്(31), ഹാര്‍ദ്ദിക് പാണ്ഡ്യ(28) എന്നിവരാണ് ഇന്ത്യയ്ക്കായി റൺസ് കണ്ടെത്തിയ മറ്റു താരങ്ങള്‍.

ശുഭ്മന്‍ ഗിൽ 145 പന്തിൽ തന്റെ ഇരട്ട ശതകം പൂര്‍ത്തിയാക്കിയപ്പോള്‍ ലോക്കി ഫെര്‍ഗൂസണേ തുടരെ മൂന്ന് സിക്സുകള്‍ നേടിയാണ് താരം ഇരട്ട ശതകത്തിലേക്ക് എത്തിയത്. 19 ഫോറും 9 സിക്സും അടങ്ങിയതായിരുന്നു ഗില്ലിന്റെ ഇന്നിംഗ്സ്. താരം 149 പന്തിൽ 208 റൺസ് നേടി പുറത്തായി.

8 വിക്കറ്റ് നഷ്ടത്തിൽ 349 റൺസാണ് ഇന്ത്യ നേടിയത്.