പാക്കിസ്ഥാന്റെ ഏഴ് താരങ്ങള്‍ക്ക് കൂടി കോവിഡ് എന്ന സ്ഥിരീകരണം പുറത്ത് വരുന്നു. ഇന്ന് പുറത്ത് വന്ന ഫലങ്ങളില്‍ മുഹമ്മദ് ഹഫീസ്, വഹാബ് റിയാസ്, ഫകര്‍ സമന്‍, മുഹമ്മദ് റിസ്വാന്‍, ഇമ്രാന്‍ ഖാന്‍, കാശിഫ് ബട്ടി, മുഹമ്മദ് ഹസ്നൈന്‍ എന്നിവര്‍ക്ക് കോവിഡ് സ്ഥിരീകരിച്ചിരുന്നു. ഇതോടെ പത്ത് താരങ്ങളാണ് കോവിഡ് ബാധിതരായിരിക്കുന്നത്. നേരത്തെ ഷദബ് ഖാന്‍, ഹാരിസ് റൗഫ്, ഹൈദരലി എന്നിവര്‍ക്ക് കോവിഡ് ബാധിച്ചിരുന്നു.
ഇത് പാക്കിസ്ഥാന്‍ ബോര്‍ഡ് തന്നെ സ്ഥിരീകരിച്ച വാര്‍ത്തയാണ്. പാക്കിസ്ഥാന്റെ ഇംഗ്ലണ്ട് പരമ്പര ഇനി സാധ്യമാകുമോ എന്നത് കാത്തിരുന്ന് കാണേണ്ട കാര്യമാണ്.
