ISSF ഷൂട്ടിംഗ് ലോകകപ്പില്‍ ഇന്ത്യയ്ക്ക് ഒരു സ്വര്‍ണ്ണം കൂടി. മനു ഭാക്കര്‍-സൗരഭ് ചൗധരി കൂട്ടുകെട്ട് 10 മീറ്റര്‍ എയര്‍ പിസ്റ്റള്‍ മിക്സഡ് ടീം വിഭാഗത്തിലാണ് സ്വര്‍ണ്ണ മെഡല്‍ സ്വന്തമാക്കിയിരിക്കുന്നത്. നേരത്തെ 778 പോയിന്റുമായി യോഗ്യത റൗണ്ടില്‍ ഒന്നാമതെത്തുകയും ലോക റെക്കോര്‍ഡിനു ഒപ്പമെത്തുകയും ചെയ്തിരുന്നു കൂട്ടുകെട്ട്.
വ്യക്തിഗത ഇനത്തില്‍ നേരത്തെ സൗരഭ് സ്വര്‍ണ്ണം നേടിയപ്പോള്‍ മനു ഭാക്കറിനു ഫൈനലിലേക്ക് യോഗ്യത നേടുവാന്‍ സാധിച്ചിരുന്നില്ല.
