വിംബിള്‍ഡൺ മിക്സഡ് ഡബിള്‍സ് പോരാട്ടത്തിന്റെ ആദ്യ റൗണ്ടിൽ വിജയം സ്വന്തമാക്കി ഇന്ത്യയുടെ സാനിയ മിര്‍സ – രോഹന്‍ ബൊപ്പണ്ണ സഖ്യം. ഇന്ത്യയുടെ തന്നെ അങ്കിത റെയ്‍ന – രാംകുമാര്‍ രാമനാഥന്‍ സഖ്യത്തെ നേരിട്ടുള്ള സെറ്റുകളിൽ പരാജയപ്പെടുത്തിയാണ് സാനിയ – രോഹന്‍ ടീമിന്റെ വിജയം. 6-2, 7-6 എന്ന സ്കോറിനാണ് വിജയികള്‍ രണ്ടാം റൗണ്ടിലേക്ക് കടന്നത്.
അതേ സമയം മെയിന്‍ ഡ്രോയിൽ കടന്നതിന് അങ്കിത – രാമനാഥന്‍ സഖ്യത്തിന് 1500 പൗണ്ട് സമ്മാനത്തുക ലഭിയ്ക്കും. ഇത് 1.5 ലക്ഷം ഇന്ത്യന്‍ രൂപയ്ക്ക് തുല്യമായി വരും.
