എടികെ മോഹൻ ബഗാന്റെ സന്ദേശ് ജിങ്കൻ ഇന്ത്യൻ സൂപ്പർ ലീഗിൽ (ഐ‌എസ്‌എൽ) എഫ്‌സി ഗോവയ്‌ക്കെതിരായ മത്സരത്തിൽ ഇറങ്ങിയതോടെ 100 ക്ലബിൽ എത്തി. ജിങ്കന്റെ 100-ാം മത്സരമായിരുന്നു ഇത്. ഈ നാഴികക്കല്ലിൽ എത്തുന്ന 11-ാമത്തെ കളിക്കാരനും ഏഴാമത്തെ പ്രതിരോധക്കാരനുമായി ജിങ്കൻ മാറി.
100 മത്സരങ്ങളിൽ 97ലും ഡിഫൻഡർ സ്റ്റാർട്ട് ചെയ്യുക ആയിരുന്നു. കേരള ബ്ലാസ്റ്റേഴ്‌സ് എഫ്‌സിക്കായാണ് ജിങ്കൻ തന്റെ ഭൂരിഭാഗം മത്സരങ്ങളും കളിച്ചത് – 100-ൽ 76ഉം കേരള ബ്ലാസ്റ്റേഴ്സിനായിരുന്നു താരം കളിച്ചത്. ഹീറോ ഐഎസ്‌എല്ലിൽ ഒരു ക്ലബ്ബിനായി ഏറ്റവും കൂടുതൽ മത്സരങ്ങൾ കളിച്ചതിന്റെ റെക്കോർഡും ജിങ്കനാണ്.
