76/7 എന്ന നിലയിൽ അവസാന ദിവസം തങ്ങളുടെ ആദ്യ ഇന്നിംഗ്സ് പുനരാരംഭിച്ച ബംഗ്ലാദേശ് 11 റൺസ് നേടുന്നതിനിടെ ഓള്‍ഔട്ട്. തുടര്‍ന്ന് പാക്കിസ്ഥാന്‍ ബംഗ്ലാദേശിനോട് ഫോളോ ഓൺ ചെയ്യുവാന്‍ ആവശ്യപ്പെടുകയായിരുന്നു.
രണ്ടാം ഇന്നിംഗ്സില്‍ 7 ഓവറുകള്‍ പിന്നിടുമ്പോള്‍ 25/3 എന്ന നിലയിലാണ് ബംഗ്ലാദേശ്. 87 റൺസ് നേടിയ ബംഗ്ലാദേശിന്റെ ആദ്യ ഇന്നിംഗ്സിൽ ഷാക്കിബ് 33 റൺസുമായി ടോപ് സ്കോറര്‍ ആയപ്പോള്‍ നസ്മുള്‍ ഹൊസൈന്‍ ഷാന്റോ 30 റൺസ് നേടി. 4 ബംഗ്ലാദേശ് താരങ്ങള്‍ പൂജ്യത്തിന് പുറത്തായി.
പാക് ബൗളര്‍മാരിൽ സാജിദ് ഖാന് ആദ്യ ഇന്നിംഗ്സിൽ എട്ട് വിക്കറ്റ് നേടിയപ്പോള്‍ രണ്ടാം ഇന്നിംഗ്സിൽ ഹസന്‍ അലി മൂന്ന് വിക്കറ്റ് നേടി.
