ഐ എസ് എൽ ഫൈനലിൽ കേരള ബ്ലാസ്റ്റേഴ്സിന് എതിരെ നിർണായക ഗോൾ നേടിയ സാഹിൽ ടവോരയുടെ കരാർ ഹൈദരാബാദ് എഫ് സി പുതുക്കി. ഹൈദരാബാദ് ഇന്ന് ഔദ്യോഗികമായി കരാർ പുതുക്കിയത് പ്രഖ്യാപിച്ചു. 2023-24 സീസൺ വരെ നീണ്ടു നിൽക്കുന്ന കരാർ ആണ് സാഹിൽ ഒപ്പുവെച്ചത്.
സാഹിലിന്റെ 88ആം മിനുട്ടിലെ ഗോളായിരുന്നു ഹൈദരബാദിന് ഫൈനലിൽ സമനില നൽകിയത്. പിന്നീട് പെനാൽറ്റി ഷൂട്ടൗട്ടിൽ ഹൈദരബാദ് ജയിക്കുകയുമായിരുന്നു. സാഹിൽ കഴിഞ്ഞ സീസണിൽ നേടിയ ഏക ഗോളും ഇതായിരുന്നു.
💫 Sahil Tavora knows what it is to be one of us!
Three years, plenty of memories and an @IndSuperLeague title, but Mr 𝟴𝟳:𝟭𝟵 can't get enough of Hyderabad 😍#Tavora2024 #మనహైదరాబాద్ #HyderabadFC 💛🖤 @sahiltavora8 pic.twitter.com/K4WBM1niz1
— Hyderabad FC (@HydFCOfficial) June 28, 2022
2019ൽ ആയിരുന്നു സാഹിൽ ഹൈദരബാദിൽ എത്തിയത്. ഐ എസ് എല്ലിൽ ആകെ 45 മത്സരങ്ങൾ കളിച്ച മധ്യനിര താരം 3 ഗോളുകൾ നേടിയിട്ടുണ്ട്.
മുൻ എഫ് സി ഗോവ താരമായിരുന്നു. പോർച്ചുഗലിൽ നാലാം ഡിവിഷൻ ക്ലബായ അല്വരെംഗ ക്ലബിൽ സാഹിൽ മുമ്പ് കളിച്ചിട്ടുണ്ട്. മുമ്പ് ഐ എസ് എല്ലിൽ മുംബൈ സിറ്റിക്കായും സാഹിൽ കളിച്ചിട്ടുണ്ട്. ഡെമ്പോ, സീസ ഫുട്ബോൾ അക്കാദമികൾക്കായി കളിച്ച് വളർന്ന താരമാണ് സാഹിൽ.
