സിക്സടിയിൽ ഒരോ റെക്കോർഡുകളായി തകർത്തു മുന്നേറുന്ന രോഹിത് ശർമ്മ ഇന്ന് ഒരു പുതിയ ചുവട് കൂടെ മുന്നോട്ട് വെച്ചു. ഇന്നത്തെ വെസ്റ്റിൻഡീസിനെതിരായ മത്സരത്തോടെ സിക്സ് അടിയിൽ രോഹിത് ശർമ്മ പാകിസ്താന്റെ ശഹീദ് അഫ്രീദിയെ മറികടന്നു. അന്താരാഷ്ട്ര മത്സരങ്ങളിൽ ഏറ്റവും കൂടുതൽ സിക്സ അടിച്ച താരങ്ങളിൽ രണ്ടാം സ്ഥാനത്തേക്ക് രോഹിത് എത്തി. ഇനി ഗെയ്ല് മാത്രമാണ് രോഹിത് ശർമ്മക്ക് മുന്നിൽ ഉള്ളത്.
രോഹിത് ശർമ്മ ഇന്നത്തെ ഇന്നിങ്സോടെ 477 സിക്സുകളിൽ എത്തി. അഫ്രിദി അടിച്ച 476 സിക്സുകൾ എന്ന അന്താരാഷ്ട്ര റെക്കോർഡ് രോഹിത് മറികടന്നു. ഇനി 553 സിക്സുകൾ ഉള്ള ഗെയ്ല് ആണ് രോഹിതിന് മുന്നിൽ ഉള്ളത്. രോഹിത് ഏകദിനത്തിൽ 250 സിക്സുകളും ടി20യിൽ 163 സിക്സും ടെസ്റ്റ് ക്രിക്കറ്റിൽ 64 സിക്സുകളും ഇന്ത്യക്കായി നേടിയിട്ടുണ്ട്.
Story Highlight: Rohit Sharma Overtakes Shahid Afridi To Become 2nd Highest Six Hitter In International Cricket
