നീന്തല്‍ കുളത്തിലെ രാജകുമാരി റികാക്കോ ഇക്കി തന്റെ ആറാം ഏഷ്യന്‍ ഗെയിംസ് സ്വ്ര‍ണ്ണ മെഡല്‍ സ്വന്തമാക്കി. ഒരേ ഏഷ്യാഡില്‍ ആറ് സ്വര്‍ണ്ണം നേടുന്ന ഏക വനിത താരം എന്ന ബഹുമതി ഇതോടെ റികാക്കോ സ്വന്തമാക്കി. 50 മീറ്റര്‍ ഫ്രീ സ്റ്റൈല്‍ ഫൈനല്‍ തലനാരിഴയ്ക്ക് സ്വന്തമാക്കിയതോടെയാണ് ഈ നേട്ടം ജപ്പാന്‍ താരം സ്വന്തമാക്കിയത്.
നാട്ടില്‍ നടക്കുന്ന ഒളിമ്പിക്സില്‍ ഈ സ്വര്‍ണ്ണ നേട്ടം ആവര്‍ത്തിക്കുവാനുള്ള തയ്യാറെടുപ്പിലാണ് റികാക്കോ. ഏഷ്യാഡില്‍ ബട്ടര്‍ ഫ്ലൈ(50 മീറ്റര്‍, 100 മീറ്റര്‍), 100 മീറ്റര്‍ ഫ്രീ സ്റ്റൈല്‍, 4×100 മീറ്റര്‍ ഫ്രീസ്റ്റൈല്‍ റിലേ, 4×100 മെഡ്‍ലേ എന്നിവയിലും താരം സ്വര്‍ണ്ണം നേടിയിരുന്നു.
ഗെയിംസില്‍ ഇതുവരെ 8 മെഡലുകളാണ് റികാക്കോയുടെ സമ്പാദ്യം. 4×200 ഫ്രീസ്റ്റൈല്‍ 4×100 മിക്സഡ് മെഡ്‍ലേ എന്നിവയില്‍ താരം വെള്ളി മെഡല്‍ നേടിയിരുന്നു.
