റയൽ മാഡ്രിഡ് വിടാൻ താൻ ആഗ്രഹിച്ചിരുന്നില്ല എന്നും ക്ലബുമായുള്ള ചർച്ചയിൽ വന്ന സാങ്കേതിക പ്രശ്നമാണ് ക്ലബ് വിടുന്നതിലേക്ക് കാര്യങ്ങൾ എത്തിച്ചത് എന്നും മുൻ റയൽ മാഡ്രിഡ് ക്യാപ്റ്റൻ റാമോസ്. “തന്റെ ആദ്യത്തെ തീരുമാനം ക്ലബിൽ തുടരുക എന്നതായിരുന്നു. ശമ്പളം വെട്ടിക്കുറച്ചുകൊണ്ട് ഉള്ള 1 വർഷത്തെ ഓഫർ തനിക്ക് ആദ്യം ലഭിച്ചു. പണം ഒരു പ്രശ്നമായിരുന്നില്ല, എന്നാൽ തനിക്ക് 2 വർഷത്തെ കരാർ വേണമായിരുന്നു. തന്റെ കുടുംബത്തിന് അതാവശ്യമായിരുന്നു” റാമോസ് പറഞ്ഞു.
“താൻ 1 വർഷത്തെ ഓഫർ അവസാനം സ്വീകരിച്ചിരുന്നു, പക്ഷേ ഓഫർ കാലാവധി കഴിഞ്ഞു എന്നും ഇപ്പോൾ ആ ഓഫർ ഇല്ല എന്നുമാണ് ക്ലബ് പറഞ്ഞത്.” റാമോസ് പറയുന്നു. തന്റെ ജീവിതത്തിലെ ഏറ്റവും പ്രയാസകരമായ നിമിഷമാണ് ഈ നിമിഷം എന്നും എല്ലാവരോടും നന്ദി പറയുന്നു എന്നും റാമോസ് പറഞ്ഞു. താൻ ക്ലബിലേക്ക് തിരിച്ചെത്തും എന്നും ക്യാപ്റ്റൻ പറഞ്ഞു.
