മെലിയ്യയെ തകർത്തെറിഞ്ഞ് കോപ്പ ഡെൽ റേയുടെ നോക്കൗട്ട് സ്റ്റേജിൽ കടന്ന് റയൽ മാഡ്രിഡ്. ഒന്നിനെതിരെ ആറ് ഗോളുകൾക്കാണ് മെലിയ്യയെ റയൽ മാഡ്രിഡ് പരാജയപ്പെടുത്തിയത്. മൂന്നാം ഡിവിഷൻ ക്ലബ്ബായ മെലിയ്യയെ 10-1 എന്ന അഗ്രിഗേറ്റിലാണ് റയൽ പരാജയപ്പെടുത്തിയത്. പത്തൊൻപത് തവണ കോപ്പ ഡെൽ റേ നേടിയ റയൽ മാഡ്രിഡ് മികച്ച വിജയമാണ് നേടിയത്. മാർക്കോ അസെസ്ൻസിയോയും ഇസ്കോയുമാണ് ഇരട്ട ഗോളുകൾ നേടി ജയത്തിന്റെ ചുക്കാൻ പിടിച്ചു.
ഹാവി സാഞ്ചെസും വിനീഷ്യസ് ജൂനിയറുമാണ് മറ്റു ഗോളുകൾ നേടിയത്. പ്രമുഖ താരങ്ങൾക്കെല്ലാം വിശ്രമം നൽകിയാണ് സൊളാരി റയലിനെ കളത്തിലിറക്കിയത്. കുർത്തോ, ലുക്ക മോഡ്രിച്, കെരീം ബെൻസിമ, സെർജിയോ രാമോസ്, ഗാരെത് ബെയിൽ എന്നിവർക്കാണ് വിശ്രമം അനുവദിച്ചത്.
