റിയൽ കാശ്മീർ തുടർച്ചയായ രണ്ടാം വർഷവും ഐ എഫ് എ ഷീൽഡ് കിരീടം ഉയർത്തി. ഇന്ന് കൊൽക്കത്തയിൽ നടന്ന ഫൈനലിൽ ശ്രീനിധി ഡെക്കാനെ പരാജയപ്പെടുത്തി ആണ് റിയൽ കാശ്മീർ കിരീടത്തിൽ മുത്തമിട്ടത്. എക്സ്ട്രാ ടൈം വരെ നീണ്ട പോരാട്ടത്തിൽ ഒന്നിനെതിരെ രണ്ടു ഗോളുകൾക്കായിരുന്നു റിയൽ കാശ്മീരിന്റെ വിജയം. ഇന്ന് ആദ്യ പകുതിയിൽ 29ആം മിനുട്ടിൽ ഡേവിഡ് മുനോസ് ശ്രീനിധിക്ക് ലീഡ് നൽകിയത്. 93ആം മിനുട്ടിൽ ആണ് റിയൽ കാശ്മീർ സമനില കണ്ടെത്തിയത്. എക്സ്ട്രാ ടൈമിൽ ഒരു സെൽഫ് ഗോളിൽ അവർ വിജയവും നേടി.
സെമി ഫൈനലിൽ ഗോകുലം കേരളയെ പരാജയപ്പെടുത്തി ആയിരുന്നു കാശ്മീർ ഫൈനലിലേക്ക് എത്തിയത്.
