മാഞ്ചസ്റ്റർ യുണൈറ്റഡിന്റെ സ്റ്റാർ ഫോർവേഡ് മാർക്കസ് റാഷ്ഫോർഡ് ഈ സീസണിൽ അവിശ്വസനീയമായ ഫോമിലാണ്‌. ഇന്നലെ ബാഴ്സലോണക്ക് എതിരെ കൂടെ ഗോൾ നേടിയതോടെ മാഞ്ചസ്റ്റർ യുണൈറ്റഡ് താരം ഗോളടിയിൽ തന്റെ കരിയറിലെ ഏറ്റവും മികച്ച സീസണാക്കി ഈ സീസണെ മാറ്റി. എല്ലാ മത്സരങ്ങളിലുമായി 22 ഗോളുകളും 8 അസിസ്റ്റുകളും ഈ സീസണിൽ റാഷ്ഫോർഡ് മാഞ്ചസ്റ്റർ യുണൈറ്റഡിനായി നേടി. മാനേജർ എറിക് ടെൻ ഹാഗ് വന്നത് മുതൽ റാഷ്ഫോർഡ് അപാര ഫോമിൽ ആണ്.
2019-20 സീസൺ ആയിരുന്നു ഇതിനു മുമ്പ് റാഷ്‌ഫോർഡിന്റെ ഏറ്റവും മികച്ച സീസൺ. 22 ഗോളുകൾ ആയിരുന്നു അന്ന് ഒലെ ഗണ്ണാാർ സോൾഷ്യറിന്റെ കീഴിൽ റാഷ്ഫോർഡ് അടിച്ചത്. ഈ സീസൺ പകുതി കഴിയുമ്പോൾ തന്നെ റാഷ്ഫോർഡ് ആ റെക്കോർഡിനൊപ്പം എത്തി കഴിഞ്ഞു. കഴിഞ്ഞ സീസണിൽ ആകെ 5 ഗോളുകൾ മാത്രം നേടിയ താരമാണ് റാഷ്ഫോർഡ്.
