ഇന്നലെ മാഞ്ചസ്റ്റർ യുണൈറ്റഡിനെതിരായ യൂറോപ്പ ലീഗ് മത്സരത്തിനിടെ ബാഴ്‌സലോണയുടെ മധ്യനിര താരം പെദ്രിയുടെ വലത് തുടയ്ക്ക് പരിക്കേറ്റിരുന്നു. പരിക്കിന്റെ കൃത്യമായ വ്യാപ്തി ഇനിയും കണ്ടെത്താനായിട്ടില്ല എന്ന് ക്ലബ് അറിയിച്ചു. എന്നാൽ കുറഞ്ഞത് ഒരു മാസത്തേക്കെങ്കിലും താരം കളിക്കില്ലെന്നാണ് സ്പെയിനിൽ നിന്നുള്ള റിപ്പോർട്ടുകൾ സൂചിപ്പിക്കുന്നത്.
മാഞ്ചസ്റ്റർ യുണൈറ്റഡിനെതിരായ മത്സരത്തിന്റെ ആദ്യ പകുതിയിൽ ആണ് പെഡ്രിക്ക് പരിക്കേറ്റത്. ഇംഗ്ലീഷ് ടീമിനെതിരായ നിർണായകമായ രണ്ടാം പാദം പെഡ്രിക്ക് നഷ്ടമാകും. യുവ മധ്യനിര താരത്തിന്റെ അഭാവം ബാഴ്‌സലോണയ്ക്ക് കനത്ത തിരിച്ചടിയാകും, ഈ സീസണിൽ പെഡ്രി ടീമിന്റെ പ്രധാന കളിക്കാരനായിരുന്നു. അവസാന മത്സരങ്ങളിൽ നിർണായക ഗോളുകളും പെഡ്രി നേടിയിരുന്നു. മാഞ്ചസ്റ്റർ യുണൈറ്റഡിന് എതിരെ സസ്പെൻഷൻ കാരണം ഗവിയും ബാഴ്സലോണ നിരയിൽ ഉണ്ടാകില്ല.
