എ.ടി.പി പാരീസ് 1000 മാസ്റ്റേഴ്സ് ആദ്യ മത്സരത്തിൽ തന്നെ പരാജയപ്പെട്ടു റാഫേൽ നദാൽ പുറത്ത്. രണ്ടാം സീഡ് ആയ നദാൽ അമേരിക്കൻ താരം ടോമി പൗളിന് മുന്നിലാണ് പരാജയം സമ്മതിച്ചത്. ആദ്യ സെറ്റിൽ ബ്രേക്ക് വഴങ്ങിയ ശേഷം തിരിച്ചു വന്നു സെറ്റ് 6-3 നു നേടിയ നദാൽ പക്ഷെ രണ്ടാം സെറ്റ് ടൈബ്രേക്കറിൽ കൈവിട്ടു. മൂന്നാം സെറ്റിൽ നദാലിന് വലിയ അവസരം ഒന്നും നൽകാതെ 6-1 നു നേടിയ ടോമി പൗൾ മത്സരം സ്വന്തം പേരിൽ കുറിക്കുക ആയിരുന്നു.
കരിയറിൽ ആദ്യമായി ആണ് ഇത്രയും വലിയ തിരിച്ചടി നദാൽ പാരീസ് മാസ്റ്റേഴ്സിൽ നേരിടുന്നത്. നേരത്തെ നാലാം സീഡ് ഡാനിൽ മെദ്വദേവും ടൂർണമെന്റിൽ നിന്നു പുറത്തായിരുന്നു. അതേസമയം ഒന്നാം സീഡ് കാർലോസ് അൽകാരസ്, രണ്ടാം സീഡ് കാസ്പർ റൂഡ്, ആറാം സീഡ് നൊവാക് ജ്യോക്കോവിച്, ആറാം സീഡ് ആന്ദ്ര റൂബ്ലേവ്, എട്ടാം സീഡ് ഫെലിക്‌സ് ആഗർ അലിയസ്മെ എന്നിവരും അവസാന പതിനാറിൽ എത്തിയിരുന്നു.
