ഓസ്ട്രേലിയയുടെ വനിത താരം റേച്ചൽ ഹെയിന്സ് ഇന്ത്യയ്ക്കെതിരെയുള്ള ഏക ടെസ്റ്റ് മത്സരത്തിലും ടി20 പരമ്പരയിലും കളിക്കില്ല. മൂന്നാം ഏകദിനത്തിനിടെ താരത്തിന് പരിക്കേറ്റതാണ് തിരിച്ചടിയായത്. ഓസ്ട്രേലിയയുടെ വൈസ് ക്യാപ്റ്റനാണ് റേച്ചൽ.
ചരിത്രമാകുന്ന ഡേ നൈറ്റ് ടെസ്റ്റ് മത്സരത്തിൽ കളിക്കുവാനുള്ള അവസരം നഷ്ടമായതിൽ താരം ഏറെ ദുഖിതയാണെന്നാണ് ഓസ്ട്രേലിയ കോച്ച് മാത്യൂ മോട്ട് പറഞ്ഞത്. ടെസ്റ്റ് മത്സരങ്ങള് എപ്പോളും സംഭവിക്കുന്നതല്ലെന്നത് തന്നെയാണ് ഈ വിഷമത്തിന് കാരണം.
ഹെയിന്സിന്റെ അഭാവത്തിൽ ബെത്ത് മൂണിയാകും ഓസ്ട്രേലിയയുടെ ഓപ്പണറായി എത്തുന്നത്. താരത്തിനെയും പരിക്ക് അലട്ടുന്നുണ്ടെങ്കിലും മത്സരത്തിൽ മൂണിയുണ്ടാകുമെന്നാണ് കോച്ച് പറയുന്നത്.
