ക്യാപ്റ്റനായി തന്റെ അരങ്ങേറ്റ മത്സരത്തില്‍ തന്നെ മറ്റൊരു ചരിത്ര നേട്ടം കൂടി നേടി ക്വിന്റണ്‍ ഡിക്കോക്ക്. ഏകദിന ക്രിക്കറ്റില്‍ നാലായിരം റണ്‍സ് തികയ്ക്കുകയെന്ന അഭിമാന മുഹൂര്‍ത്തം താരം ഇന്നലെ ശ്രീലങ്കയ്ക്കെതിരെ നടന്ന പരമ്പരയിലെ നാലാം മത്സരത്തില്‍ സ്വന്തമാക്കി. മഴ പലപ്പോഴും രസംകൊല്ലിയായ മത്സരത്തില്‍ അരങ്ങേറ്റം വിജയത്തോടെയാക്കുവാന്‍ സാധിച്ചില്ലെങ്കിലും 4000 റണ്‍സെന്ന അഭിമാന നേട്ടം താരം സ്വന്തമാക്കി.
ജയത്തിനരികെ എത്തിയ ശേഷമാണ് ദക്ഷിണാഫ്രിക്ക മത്സരം കൈവിട്ടത്. മൂന്ന് റണ്‍സിന്റെ ജയമാണ് ശ്രീലങ്ക ഇന്നലെ സ്വന്തമാക്കിയത്. ദക്ഷിണാഫ്രിക്കയ്ക്കെതിരെ തുടര്‍ച്ചയായ 11 തോല്‍വികള്‍ക്ക് ശേഷമാണ് ശ്രീലങ്കയുടെ ഈ വിജയം.
കൂടുതൽ കായിക വാർത്തകൾക്ക് : www.facebook.com/FanportOfficial
