ക്യാച്ച് വിട്ടതിന് മുഖത്തടി!! പാകിസ്താൻ സൂപ്പർ ലീഗിൽ ദയനീയ കാഴ്ച!

പാകിസ്ഥാൻ സൂപ്പർ ലീഗ് (പി‌എസ്‌എൽ) 2022 തിങ്കളാഴ്ച പെഷവാർ സാൽമിക്കെതിരായ മത്സരത്തിൽ ഒരു സുപ്രധാന ക്യാച്ച് ഉപേക്ഷിച്ചതിന് ലാഹോർ ഖലന്ദർസ് പേസ് ബൗളർ ഹാരിസ് റൗഫ് തന്റെ സഹതാരം കമ്രാൻ ഗുലാമിന്റെ മുഖത്തിടിച്ചു. ഹാരിസ് റഹൂഫിന്റെ ഓവറിൽ സസായിയുടെ ക്യാച്ച് ആയിരുന്നു കമ്രാൻ വിട്ടത്.

ക്യാച്ച് വിട്ട അതേ ഓവറിൽ റഹൂഫ് ഒരു വിക്കറ്റ് എടുത്തപ്പോൾ ആഹ്ലാദത്തിന് ഇടയിൽ ആണ് റഹൂഫ് കമ്രാന്റെ മുഖത്ത് ഇടിച്ചത്. ഇടി കൊണ്ട് എങ്കിലും കമ്രാൻ ഗുലാം റഹൂഫിനെ സമാധാനിപ്പിക്കുന്നതാണ് പിറകെ കണ്ടത്. ഈ സംഭവം റഹൂഫിനെതിരെ വലിയ പ്രതിഷേധങ്ങൾ ഉയർത്തുന്നുണ്ട്.