ന്യൂസിലാണ്ട് ടൂറിനുള്ള ടെസ്റ്റ് ടീമില് താനും പരിഗണനയിലുണ്ടെന്ന് അറിയിക്കുന്ന രഞ്ജി പ്രകടനവുമായി പൃഥ്വി ഷാ. 174 പന്തില് നിന്ന് 201 റണ്സുമായി പുറത്താകാതെ ബറോഡയ്ക്കെതിരെ തകര്പ്പന് ഇരട്ട ശതകമാണ് പൃഥ്വി ഷാ നേടിയത്. 19 ഫോറും 7 സിക്സും അടങ്ങിയ ഇന്നിംഗ്സാണ് താരം പുറത്തെടുത്തത്. വിലക്കിന് ശേഷമുള്ള സയ്യദ് മുഷ്താഖ് അലി ട്രോഫിയിലും ഭേദപ്പെട്ട പ്രകടനം പൃഥ്വി പുറത്തെടുത്തിരുന്നു.
ഇപ്പോള് മുംബൈയുടെ ഈ സീസണിലെ കന്നി രഞ്ജി മത്സരത്തില് തന്നെ തീ പാറും പ്രകടനമാണ് തന്റെ സ്വതസിദ്ധമായ ശൈലിയില് പൃഥ്വി നേടിയിരിക്കുന്നത്.
