ഫിലിപ്പിന്റെ ഇരട്ട ഗോളിൽ ഫിഫാ മഞ്ചേരി സെമിയിൽ

ഇന്നലെ മഞ്ചേരി അഖിലേന്ത്യാ സെവൻസിന്റെ ക്വാർട്ടർ ഫൈനലിലാണ് മികച്ച ജയത്തോടെ ഫിഫാ മഞ്ചേരി സെമി ഫൈനൽ ഉറപ്പിച്ചത്. ക്വാർട്ടറിൽ മെഡിഗാഡ് അരീക്കോടിനെ നേരിട്ട ഫിഫാ മഞ്ചേരി എതിരില്ലാത്ത രണ്ടു ഗോളുകൾക്കാണ് വിജയിച്ചത്. രണ്ട് ഗോളുകളും നേടിയത് ഫിലിപ്പ് ആണ്. ഫിഫാ മഞ്ചേരിയുടെ തുടർച്ചയായ നാലാം ജയമാണിത്.

മാവൂർ അഖിലേന്ത്യാ സെവൻസിൽ ഇന്നലെ നടന്ന പോരാട്ടത്തിൽ ലക്കി സോക്കർ ആലുവയെ അൽ ശബാബ് തൃപ്പനച്ചി പരാജയപ്പെടുത്തി. ഒന്നിനെതിരെ മൂന്നു ഗോളുകൾക്കായിരുന്നു അൽ ശബാബിന്റെ ജയം. തുടക്കത്തിൽ ഒരു ഗോളിന്റെ ലീഡ് നേടിയ ശേഷമാണ് ലക്കി സോക്കർ ആലുവ പരാജയം രുചിച്ചത്.