സോഫി ഡിവൈനിനെ സ്വന്തമാക്കി പെര്‍ത്ത് സ്കോര്‍ച്ചേഴ്സ്, ടീമിനെ നയിക്കും

Sports Correspondent

Download the Fanport app now!
Appstore Badge
Google Play Badge 1

വനിത ബിഗ് ബാഷില്‍ പെര്‍ത്ത് സ്കോര്‍ച്ചേഴ്സ ടീമിലേക്ക് കരുത്തുറ്റ ടോപ് ഓര്‍ഡര്‍ താരം കൂടി എത്തുന്നു. ന്യൂസിലാണ്ടിന്റെ സോഫി ഡിവൈന്‍ ആണ് ടീമിലേക്ക് എത്തുന്നത്. വനിത ബിഗ് ബാഷില്‍ ശ്രദ്ധേയമായ പ്രകടനമാണ് സോഫി ഡിവൈന്‍ പൂര്‍ത്തിയാക്കിയിട്ടുള്ളത്. 2174 റണ്‍സാണ് താരം ഇതുവരെ നേടിയിട്ടുള്ളത്. ടീമിന്റെ ക്യാപ്റ്റനായും സോഫിയെ നിയമിച്ചിട്ടുണ്ട്.

അഡിലൈഡ് സ്ട്രൈക്കേഴ്സില്‍ നിന്നാണ് താരം എത്തുന്നത്. പെര്‍ത്തിന്റെ കോച്ചുമായി താന്‍ മുമ്പും ഒരുമിച്ച് പ്രവര്‍ത്തിച്ചിട്ടുണ്ടെന്നതും ഈ മാറ്റത്തില്‍ തനിക്ക് ഏറെ സന്തോഷം നല്‍കുന്നുണ്ടെന്നും സോഫി വ്യക്തമാക്കി.