ഓസ്ട്രേലിയൻ ക്യാപ്റ്റൻ പാറ്റ് കമ്മിൻസിനായി ബിഡ് വാർ. 2 കോടി അടിസ്ഥാന വിലയിൽ തുടങ്ങിയ ഓക്ഷനിൽ ചെന്നൈ സൂപ്പർ കിംഗ്സും ആർ സി ബിയും മുംബൈ ഇന്ത്യൻസും സൺ റൈസേഴ്സ് ഹൈദരബാദും കമ്മിൻസിനായി മത്സരിച്ചു. 10 കോടിക്ക് മുകളിലേക്ക് വിഡ് പോയപ്പോൾ അത് സൺ റൈസേഴ്സും ആർ സി ബിയും തമ്മിൽ മാത്രമായുള്ള പോരാട്ടമായി മാറി. അവസാനം 20 കോടി 50 ലക്ഷത്തിന് കമ്മിൻസിനെ സൺ റൈസേഴ്സ് സ്വന്തമാക്കി. ഐ പി എല്ലിലെ റെക്കോർഡ് തുകയാണിത്.
പാറ്റ് കമ്മിൻസ് കഴിഞ്ഞ ഐ പി എൽ സീസണിൽ കളിച്ചിരുന്നില്ല. ഐ പി എല്ലിൽ ആകെ 42 മത്സരങ്ങൾ കളിച്ചിട്ടുള്ള കമ്മിൻ 45 വിക്കറ്റുകൾ ഐ പി എല്ലിൽ നേടിയിട്ടുണ്ട്. ഒപ്പം മൂന്ന് അർധ സെഞ്ച്വറിയും ഐ പി എല്ലിൽ താരം നേടിയിട്ടുണ്ട്. മുമ്പ് കൊൽക്കത്ത നൈറ്റ് റൈഡേഴ്സിനായും ഡെൽഹി ഡെയർ ഡെവിൾസിനായുമാണ് കമ്മിൻസ് കളിച്ചിട്ടുള്ളത്.
