ഇന്ത്യൻ ഓൾറൗണ്ടർ ശാർദുൽ താക്കൂറിനെ ചെന്നൈ സൂപ്പർ കിങ്സ് സ്വന്തമാക്കി. 4 കോടി രൂപയ്ക്ക് ആണ് ശാർദുലിനെ ചെന്നൈ സ്വന്തമാക്കിയത്. ശാർദുലിന് 2 കോടി ആയിരുന്നു അടിസ്ഥാന വില. ചെന്നൈ ആണ് താരത്തിനായി ആദ്യ ബിഡ് നടത്തിയത്. ഇതിനു ശേഷം സൺ റൈസേഴ്സ് ഹൈദരബാദും ബിഡിൽ ഒപ്പം ചേർന്നു. അവസാനം ചെന്നൈ തന്നെ 4 കോടിക്ക് താരത്തെ സൈൻ ചെയ്തു.
അവസാനമായി ശാർദുൽ കൊൽക്കത്ത നൈറ്റ് റൈഡേഴ്സിനായിരുന്നു കളിച്ചത്. മുമ്പ് 2018 മുതൽ 2021 വരെ ശാർദുൽ ചെന്നൈ സൂപ്പർ കിംഗ്സിനായി കളിച്ചിട്ടുണ്ട്. ഡെൽഹി ക്യാപിറ്റൽസ്, റൈസിംഗ് പൂനെ എന്നീ ടീമുകൾക്ക് ആയും ശാർദുൽ മുമ്പ് ഐ പി എല്ലിൽ കളിച്ചിട്ടുണ്ട്.
