സ്പാനിഷ് യുവതരത്തിന് റയൽ സോസിഡാഡിൽ പുതിയ കരാർ

യുവപ്രതിഭ പാബ്ലോ മാരിന് റയൽ സോസിഡാഡിൽ പുതിയ കരാർ. പത്തൊൻപതുകാരനായ താരത്തിന് 2027വരെയുള്ള കരാർ സോസിഡാഡ് നൽകിയിരിക്കുന്നത്. സോസിഡാഡിന്റെ തന്നെ യൂത്ത് സിസ്റ്റത്തിലൂടെ വളർന്ന് വന്ന താരം നിലവിൽ ബി ടീമിനോടൊപ്പമാണ് ഉള്ളത്. പുതിയ കരാറോടെ സീനിയർ ടീമിന്റെ വാതിലുകളും തുറക്കും.

സ്‌പെയിനിലെ ഏറ്റവും മികച്ച ഭാവി വാഗ്ദാനങ്ങളിൽ ഒരാളായി കണക്ക് കൂട്ടുന്ന താരമാണ് പാബ്ലോ മാരിൻ. സീസണിൽ ലാ ലീഗയിൽ അരങ്ങേറാനും താരത്തിന് സാധിച്ചിരുന്നു. യൂറോപ്പ ലീഗിലും അവസരം ലഭിച്ചിരുന്ന താരത്തിനെ യുനൈറ്റഡിനെതിരായ മത്സരത്തിൽ കളത്തിൽ ആദ്യ ഇലവനിൽ തന്നെ ഇറക്കിയിരുന്നു. മികച്ച യുവതാരങ്ങൾ ടീമിൽ എത്തിക്കാനും യൂത്ത് ടീമിലൂടെ മികച്ച താരങ്ങളെ വാർത്തെടുക്കാനും ശ്രദ്ധിക്കുന്ന സോസിഡാഡ് തങ്ങളുടെ മികച്ച കണ്ടെത്തലുകളിൽ ഒരാളായാണ് മാരിനെ കാണുന്നത്. പ്രതിഭധനനായ താരമാണ് പാബ്ലോ മാരിൻ എന്നും ഇനിയും ഒരുപാട് തേച്ചുമിനുക്കലുകൾക്ക് അദ്ദേഹത്തിന് സാധിക്കും എന്നും സോസിഡാഡ് കോച്ച് അൽഗ്വാസിൽ അഭിപ്രായപ്പെട്ടു.