പരിക്ക് വിട്ട് ഒരു കാലമില്ല, ഒസിമൻ ഒരു മാസത്തോളം പുറത്തിരിക്കും

ലിവർപൂളിനെതിരായ ചാമ്പ്യൻസ് ലീഗ് വിജയത്തിനിടെ ഏറ്റ പരിക്ക് ഒസിമനെ ദീർഘകാലം പുറത്തിരുത്തും. തുടയെല്ലിന് ഏറ്റ പരിക്ക് മാറാൻ ഒരു മാസത്തിൽ അധികം എടുക്കും എന്ന് ക്ലബ് അറിയിച്ചു. അവസാന സീസണിലും ഒസിമൻ ദീർഘകാലം പരിക്ക് കാരണം പുറത്ത് ഇരിക്കേണ്ടി വന്നിരുന്നു.

ഈ സീസൺ മികച്ച രീതിയിൽ തുടങ്ങാൻ ഒസിമന് ആയിരുന്നു രണ്ട് ഗോളുകളും ഒരു അസിസ്റ്റും സംഭാവന ചെയ്ത താരത്തെ നഷ്ടപ്പെടുന്നത് നാപോളിക്ക് വലിയ തിരിച്ചടിയാകും. 2020 സെപ്റ്റംബറിൽ 80 മില്യൺ യൂറോയ്ക്ക് നാപ്പോളിയിൽ ചേർന്നതിനു ശേഷം ഈ 23-കാരന് 40 മത്സരങ്ങളോളം പരിക്ക് കാരണം നഷ്ടമായും.