ആന്റിഗ്വയില്‍ ജനുവരി 31നു ആരംഭിക്കുന്ന വിന്‍ഡീസ് ഇംഗ്ലണ്ട് രണ്ടാം ടെസ്റ്റില്‍ പേസ് കരുത്ത് വര്‍ദ്ധിപ്പിച്ച് ആതിഥേയര്‍. ടീമിലേക്ക് ഒഷെയ്ന്‍ തോമസിനെക്കൂടി ചേര്‍ത്താണ് വിന്‍ഡീസ് പരമ്പര സ്വന്തമാക്കുവാനുള്ള ശ്രമം തുടങ്ങിയിരിക്കുന്നത്. നേരത്തെ ബാര്‍ബഡോസ് ടെസ്റ്റില്‍ അല്‍സാരി ജോസഫിനു കരുതലെന്ന നിലയില്‍ വിന്‍ഡീസ് ഒഷെയ്നെ തിരഞ്ഞെടുത്തിരുന്നു. ഇപ്പോള്‍ സ്ക്വാഡിന്റെ ഭാഗമായി തന്നെ താരത്തെ എടുത്തിരിക്കുകയാണ്.
വിന്‍ഡീസിനായി നാല് ഏകദിനങ്ങളിലും ആറ് ടി20കളിലും കളിച്ചിട്ടുള്ള താരമാണ് ഒഷെയ്ന്‍ തോമസ്.
