ഒളിമ്പിക് യോഗ്യത നേടുന്ന ആദ്യ ഇന്ത്യൻ വനിത നീന്തൽ താരമായി മന്ന പട്ടേൽ

20210704 063323

ടോക്കിയോ ഒളിമ്പിക്സ് 2020 ൽ ഇന്ത്യക്ക് ആയി 100 മീറ്റർ ബാക്സ്ട്രോക്ക് വിഭാഗത്തിൽ മത്സരിക്കാൻ യോഗ്യത നേടി മന്ന പട്ടേൽ. യൂണിവേഴ്‌സിറ്റി ക്വാട്ടയിലൂടെയാണ് താരം ഒളിമ്പിക് യോഗ്യത നേടിയത് എന്നു ഇന്ത്യൻ സ്വിമിങ് അസോസിയേഷൻ അറിയിച്ചു. 21 കാരിയായ മന്ന പട്ടേൽ ഗുജറാത്തിൽ നിന്നുള്ള നീന്തൽ താരമാണ്.

ടോക്കിയോ ഒളിമ്പിക്സിന് യോഗ്യത നേടുന്ന ആദ്യത്തെ വനിത നീന്തൽ താരമാണ് മന്ന പട്ടേൽ. മൂന്നാമത്തെ ഇന്ത്യൻ നീന്തൽ താരവും. നേരത്തെ മലയാളി നീന്തൽ താരം സാജൻ പ്രകാശ് 200 മീറ്റർ ബട്ടർ ഫ്ലെ വിഭാഗത്തിലും ശ്രീ ഹരി നടരാജ് 100 മീറ്റർ ബാക്സ്ട്രോക്ക് വിഭാഗത്തിലും ഒളിമ്പിക് യോഗ്യത നേടിയിരുന്നു.