ഡൂറണ്ട് കപ്പ് 2022; ഒഡീഷ എഫ് സി നോർത്ത് ഈസ്റ്റിനെ ആറ് ഗോളുകൾക്ക് തോൽപ്പിച്ചു | Latest | Odisha FC won 6-0 against North East

ഡൂറണ്ട് കപ്പ്; ആറ് ഗോളുകളുടെ വിജയവുമായി ഒഡീഷ

ഡൂറണ്ട് കപ്പ്: ഗുവാഹത്തിയിൽ ഒഡീഷ എഫ് സിക്ക് വലിയ വിജയം. ഇന്ന് ഗ്രൂപ്പ് ഡിയിലെ ആദ്യ മത്സരത്തിൽ നോർത്ത് ഈസ്റ്റ് യുണൈറ്റഡിനെ നേരിട്ട ഒഡീഷ എതിരില്ലാത്ത ആറ് ഗോളുകളുടെ വിജയം നേടി. ഇരട്ട ഗോളുകളുമായി ജെറി മത്സരത്തിലെ മികച്ച താരമായി. 14, 38 മിനുട്ടുകളിൽ ആയിരുന്നു ജെറിയുടെ ഗോളുകൾ. 26ആം മിനുട്ടിലെ നന്ദയുടെ ഗോൾ കൂടെ ഉൾപ്പെടെ എതിരില്ലാത്ത മൂന്ന് ഗോളുകൾക്ക് മുന്നിൽ എത്താൻ ആദ്യ പകുതിയിൽ ഒഡീഷക്ക് ആയി.

രണ്ടാം പകുതിയിൽ ഇസാക്, മൊറീസിയോ, തോയിബ എന്നിവരും കൂടെ ഗോൾ നേടിയതോടെ ഒഡീഷയുടെ വിജയം പൂർത്തിയായി. ഗ്രൂപ്പ് ഡിയിൽ ഇനി 19ആം തീയതി കേരള ബ്ലാസ്റ്റേഴ്സും സുദേവ ഡെൽഹിയും തമ്മിലാണ് പോരാട്ടം.