ഇന്ത്യയുടെ ടി20 കോച്ചിംഗ് സംഘത്തിലേക്ക് ആശിഷ് നെഹ്റയെ ഉള്‍പ്പെടുത്തണമെന്ന് പറഞ്ഞ് ഹര്‍ഭജന്‍ സിംഗ്. നിലവിലെ ഇന്ത്യന്‍ കോച്ച് രാഹുല്‍ ദ്രാവിഡിനെക്കാള്‍ ഈ ഫോര്‍മാറ്റിനെക്കുറിച്ച് ആശിഷ് നെഹ്റയ്ക്ക് അറിയാം എന്നാണ് ഹര്‍ഭജന്‍ സിംഗ് പറഞ്ഞത്.
അതിനാൽ തന്നെ ദ്രാവിഡ് കോച്ചെന്ന നിലയിൽ മികച്ച് നിൽക്കുന്നുവെങ്കിലും ഈ ഫോര്‍മാറ്റിൽ ആശിഷ് നെഹ്റയുടെ സേവനും ഇന്ത്യ ഉള്‍പ്പെടുത്തണമെന്നാണ് ഹര്‍ഭജന്‍ പറയുന്നത്.
നിലവിലെ ഐപിഎൽ ജേതാക്കളായ ഗുജറാത്ത് ടൈറ്റന്‍സിന്റെ കോച്ചാണ് ആശിഷ് നെഹ്റ. ദ്രാവിഡിനെ ടി20 കോച്ചിംഗ് സ്ഥാനത്ത് നിന്ന് മാറ്റാനല്ല താന്‍ ആവശ്യപ്പെടുന്നതെന്നും പകരം നെഹ്‍റയെക്കൂടി കോച്ചിംഗ് സെറ്റപ്പിൽ ഉള്‍പ്പെടുത്തി 2024 ലോകകപ്പിനുള്ള ടീം സൃഷ്ടിച്ചെടുക്കണമന്നും ഹര്‍ഭജന്‍ വ്യക്തമാക്കി.
