ബംഗ്ലാദേശിന്റെ സൂപ്പര്‍ പേസ് ബൗളര്‍ മുസ്തഫിസുര്‍ റഹ്മാനെയും ഓസ്ട്രേലിയയുടെ പാറ്റ് കമ്മിന്‍സിനെയും ഉള്‍പ്പെടെ 10 താരങ്ങളെ ഐപിഎലില്‍ നിലനിര്‍ത്തേണ്ടതില്ലെന്ന് തീരുമാനിച്ച് മുംബൈ ഇന്ത്യന്‍സ്. മൂന്ന് വട്ടം ചാമ്പ്യന്മാരായ മുംബൈ ഇന്ത്യന്‍സ് 18 അംഗ ടീമിനെ നിലനിര്‍ത്തുലാന്‍ തീരുമാനിക്കുകയായിരുന്നു. മലയാളി താരം എംഡി നിധീഷിനെയും നില നിര്‍ത്തേണ്ടതില്ലെന്ന് മുംബൈ തീരുമാനിച്ചു.
പാറ്റ് കമ്മിന്‍സിനും മുസ്തഫിസുര്‍ റഹ്മാനും പുറമേ വിദേശ താരങ്ങളായ ഓള്‍റൗണ്ടര്‍ ജെപി ഡുമിനി, ശ്രീലങ്കയുടെ സ്പിന്‍ താരം അകില ധനന്‍ജയ എന്നിവരെയും മുംബൈ റിലീസ് ചെയ്തു. കഴിഞ്ഞ സീസണില്‍ ടീമിനൊപ്പം എത്തിയ പാറ്റ് കമ്മിന്‍സിനു സീസണിലെ ഒരു മത്സരം പോലും പരിക്ക് മൂലം കളിയക്കാനായിരുന്നില്ല.
സൗരഭ് തിവാരി, പ്രദീപ് സാംഗ്വാന്‍, മോഹ്സിന്‍ ഖാന്‍, ശരദ് ലുംബ, തജീന്ദര്‍ സിംഗ് ധില്ലണ്‍ എന്നിവരാണ് പുറത്തേക്ക് പോകുന്ന മറ്റു താരങ്ങള്‍.
