ഇന്ത്യയ്ക്ക് വേണ്ടി ലോകകപ്പില്‍ ഏറ്റവും അനുയോജ്യനായ താരം മഹേന്ദ്ര സിംഗ് ധോണിയെന്ന് അഭിപ്രായപ്പെട്ട് ഹര്‍ഭജന്‍ സിംഗ്. കെഎല്‍ രാഹുല്‍ കഴിഞ്ഞ ദിവസം ബംഗ്ലാദേശിനെതിരെ 108 റണ്‍സ് നേടിയ വിജയ് ശങ്കറിന്റെ നാലാം നമ്പര്‍ സ്ഥാനം തട്ടിയെടുക്കുവാന്‍ സാധ്യതയുള്ള പ്രകടനം പുറത്തെടുത്തുവെങ്കിലും ഈ രണ്ട് യുവതാരങ്ങളെക്കാള്‍ അനുയോജ്യന്‍ ധോണിയെന്നാണ് ഹര്‍ഭജന്റെ അഭിപ്രായം.
വിജയ് ശങ്കറിനെക്കാള്‍ ടീമില്‍ ഇടം ലഭിയ്ക്കുവാന്‍ അര്‍ഹന്‍ രാഹുലാണെന്നും ഹര്‍ഭജന്‍ കൂട്ടിചേര്‍ത്തു. എന്നാല്‍ താരം ധോണിയ്ക്ക് വേണ്ടി നാലാം നമ്പര്‍ സ്ഥാനം വിട്ട് നല്‍കണമെന്നാണ് ഹര്‍ഭജന്‍ പറയുന്നത്. ധോണിയും രാഹുലും ചേര്‍ന്ന് നേടിയ 164 റണ്‍സാണ് ഇന്ത്യയെ ബംഗ്ലാദേശിനെതിരെ ശക്തമായ നിലയിലേക്ക് എത്തിച്ചത്.
വിജയ് ശങ്കര്‍ നാലാം നമ്പറില്‍ വേണ്ടെന്നാണ് ഹര്‍ഭജന്‍ പറഞ്ഞത്. വിജയിനെക്കാള്‍ കൂടുതല്‍ വൈവിധ്യമാര്‍ന്ന സ്ട്രോക്കുകള്‍ ഉള്ളത് രാഹുലിനാണെന്ന് പറഞ്ഞു. എന്നാല്‍ തന്റെ നാലാം നമ്പറിലെ പ്രിയതാരം അത് എന്നും ധോണിയാണെന്നും ഹര്‍ഭജന്‍ കൂട്ടിചേര്‍ത്തു.
