വനിത ഫിഫ ലോകകപ്പിൽ സീനിയർ തലത്തിൽ ഹിജാബ് അണിഞ്ഞു കളിക്കാൻ ഇറങ്ങുന്ന ചരിത്രത്തിലെ ആദ്യ താരമായി മൊറോക്കൻ പ്രതിരോധ താരം നൊഹയില ബെൻസിന. ഇന്ന് ദക്ഷിണ കൊറിയക്ക് എതിരായ മത്സരത്തിൽ ആണ് താരം ഹിജാബ് കളിച്ചു കളിക്കാൻ ഇറങ്ങിയത്. മത്സരത്തിൽ ജയം കണ്ട മൊറോക്കോ വനിത ലോകകപ്പിൽ തങ്ങളുടെ ചരിത്രത്തിലെ ആദ്യ ജയവും കുറിച്ചു.
മൊറോക്കൻ ആർമി ടീം താരം കൂടിയാണ് 25 കാരിയായ നൊഹയില. താരത്തിന്റെ ലോകകപ്പിലെ ആദ്യ മത്സരം ആയിരുന്നു ഇത്. ചരിത്രത്തിലെ ആദ്യ ലോകകപ്പ് ആണ് മൊറോക്കോക്ക് ഇത്. തങ്ങളെക്കാൾ 55 റാങ്കുകൾ മുന്നിലുള്ള ദക്ഷിണ കൊറിയക്ക് എതിരായി പക്ഷെ അവർ ചരിത്രം കുറിക്കുക ആയിരുന്നു. ഗ്രൂപ് എച്ചിലെ അവസാന ഗ്രൂപ്പ് മത്സരത്തിൽ കൊളംബിയക്ക് എതിരെ അത്ഭുതം ആവർത്തിക്കാൻ ആയാൽ മൊറോക്കോക്ക് പ്രീ ക്വാർട്ടറിൽ പ്രവേശിക്കാൻ ആവും.
