പുരുഷ ഡബിള്‍സ് ടീം ഫൈനലില്‍, വനിത ഡബിള്‍ ടീമിന് പരാജയം

കോമൺവെൽത്ത് ബാഡ്മിന്റണിൽ പുരുഷ ഡബിള്‍സിൽ ഇന്ത്യയുടെ സാത്വിക് സായിരാജ് – ചിരാഗ് ഷെട്ടി കൂട്ടുകെട്ട് ഫൈനലില്‍ കടന്നു. മലേഷ്യന്‍ താരങ്ങളെ നേരിട്ടുള്ള ഗെയിമിലാണ് ഇന്ത്യന്‍ താരങ്ങള്‍ പരാജയപ്പെടുത്തിയത്. സ്കോര്‍: 21-6, 21-5.

അതേ സമയം വനിത സെമി ഫൈനലില്‍ ഇന്ത്യയുടെ ഗായത്രി – ട്രീസ കൂട്ടുകെട്ട് നേരിട്ടുള്ള ഗെയിമുകളിൽ പരാജയം ഏറ്റുവാങ്ങി. 13-21, 16-21 എന്ന സ്കോറിന് മലേഷ്യയുടെ ലോക റാങ്കിംഗിലെ 11ാം സ്ഥാനക്കാരോടാണ് ഇന്ത്യന്‍ ടീം പരാജയപ്പെട്ടത്.

ഇന്ന് വെങ്കല മെഡൽ പോരാട്ടത്തിൽ ഇരുവരും ഓസ്ട്രേലിയയെ നേരിടും.