മുത്തൂറ്റ് ഇസിസിയ്ക്കെതിരെ മികച്ച വിജയവുമായി മാസ്റ്റേഴ്സ് സിസി. ഇന്ന് നടന്ന മത്സരത്തിൽ ആദ്യം ബാറ്റ് ചെയ്ത മുത്തൂറ്റ് ഇസിസി 30 ഓവറിൽ 144 റൺസിന് പുറത്താക്കിയ ശേഷം ലക്ഷ്യം 16.1 ഓവറിൽ 2 വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു.
ഗോകുൽ ഗോപിനാഥ് 4 വിക്കറ്റും ഇദന്‍ ആപ്പിള്‍ ടോം, വൈശാഖ് ചന്ദ്രന്‍ എന്നിവര്‍ 2 വിക്കറ്റും നേടിയപ്പോള്‍ മുത്തൂറ്റ് ഇസിസിയ്ക്കായി അനന്ദു സുനിൽ 45 റൺസ് നേടി. സുധി അനിൽ(22), ഗിരീഷ് പിജി(20) എന്നിവരാണ് മറ്റു പ്രധാന സ്കോറര്‍മാര്‍.
രോഹന്‍ കുന്നുമ്മൽ( 25 പന്തിൽ 54), ഷൗൺ റോജര്‍(35 പന്തിൽ 50*) എന്നിവരുടെ അര്‍ദ്ധ ശതകങ്ങള്‍ക്കൊപ്പം ഭരത് സൂര്യ 24 റൺസുമായി പുറതതാകാതെ നിന്നപ്പോള്‍ 8 വിക്കറ്റ് വിജയത്തിലേക്ക് 16.1 ഓവറിൽ മാസ്റ്റേഴ്സ് സിസി എത്തുകയായിരുന്നു. സുധി സുനിൽ മുത്തൂറ്റ് ഇസിസിയ്ക്കായി രണ്ട് വിക്കറ്റ് നേടി.
