ലെഫ്റ്റ് ബാക്കിൽ കളിക്കാൻ ആളില്ല എന്ന പ്രശ്നത്തിന് മാഞ്ചസ്റ്റർ യുണൈറ്റഡ് പരിഹാരം കണ്ടെത്തി. മാഞ്ചസ്റ്റർ യുണൈറ്റഡ് പുതിയ ലെഫ്റ്റ് ബാക്കായി സ്പർസിന്റെ താരം റെഗുലോണെ സ്വന്തമാക്കി. ലോൺ കരാറിൽ ആണ് യുണൈറ്റഡ് റെഗുലോണെ സൈൻ ചെയ്യുന്നത്. ജനുവരിയിൽ മാഞ്ചസ്റ്റർ യുണൈറ്റഡിന് വേണമെങ്കിൽ കരാർ റദ്ദാക്കി റെഗുലോണെ തിരിച്ചയക്കാൻ ആകും.
2020ൽ ആയിരുന്നു റെഗുലോൺ സ്പർസിൽ എത്തിയത്. അന്ന് മാഞ്ചസ്റ്റർ യുണൈറ്റഡും താരത്തെ സ്വന്തമാക്കാൻ ശ്രമിച്ചിരുന്നു എങ്കിലും റെഗുലോൺ അന്ന് സ്പർസിലേക്ക് പോവുകയായിരുന്നു. കഴിഞ്ഞ സീസണിൽ റെഗുലോൺ ലോണിൽ അത്കറ്റിക്കോ മാഡ്രിഡിൽ കളിച്ചിരുന്നു.
റയൽ മാഡ്രിഡിലൂടെ വളർന്നു വന്ന താരം മുമൊ സെവിയ്യയിലും തിളങ്ങിയുട്ടുണ്ട്. ലൂക് ഷോയും മലാസിയയും പരിക്കേറ്റ് പുറത്തായതിനായാൽ ആണ് യുണൈറ്റഡ് ഇപ്പോൾ ഇങ്ങനെ ഒരു സൈൻ ചെയ്തത്.
