ചൈനീസ് താരം ഫാന്‍ ചെംഗ്ഡോംഗിനെ 4-2 എന്ന സ്കോറിന് കീഴടക്കി പുരുഷ സിംഗിള്‍സിൽ ഒളിമ്പിക്സ് കിരീടം സ്വന്തമാക്കി ടേബിള്‍ ടെന്നീസ് ഇതിഹാസം മാ ലോംഗ്. നിലവിലെ ഒളിമ്പിക്സ് ചാമ്പ്യന്‍ കൂടിയാണ് മാ ലോംഗ്. ആദ്യ ഗെയിം മാ ആധികാരിക വിജയം നേടിയപ്പോള്‍ ഫാന്‍ ശക്തമായ തിരിച്ചുവരവ് നടത്തുകയായിരുന്നു. അടുത്ത രണ്ട് ഗെയിമും ആറാം ഗെയിമും മാ ലോംഗ് സ്വന്തമാക്കിയപ്പോള്‍ അഞ്ചാം ഗെയിം ഫാന്‍ ചെംഗ്ഡോഗ് സ്വന്തമാക്കി. സ്കോര്‍: 11-4, 10-12, 11-8, 11-9, 3-11,11-7
ചൈനീസ് തായ്പേയുടെ യുവതാരം ലിന്‍ വിന്‍ റൂ വിനെ 4-3 എന്ന സ്കോറിന് പരാജയപ്പെടുത്തി ജര്‍മ്മനിയുടെ ദിമിത്രി ഒവ്ചാറോവ് വെങ്കല മെഡൽ നേടുകയായിരുന്നു. 13-11, 9-11, 6-11, 11-4, 4-11, 15-13, 11-7 എന്നിങ്ങനെയായിരുന്നു ദിമിത്രിയുടെ വിജയം.
