ഓസ്ട്രേലിയന് ക്രിക്കറ്റ് ബോര്ഡും ക്രിസ് ലിന്നും തമ്മിലുള്ള ശീത സമരം അവസാനിച്ചു. താരം ബിഗ് ബാഷിൽ കളിക്കുവാന് അഡിലെയ്ഡ് സ്ട്രൈക്കേഴ്സുമായി കരാറിലെത്തി. ഇതോടെ താരത്തിന് ഐഎൽടി20 ലീഗില് കളിക്കുവാനുള്ള അനുമതിയും ലഭിച്ചു.
14 ബിഗ് ബാഷ് മത്സരങ്ങളിൽ 11 എണ്ണം കളിച്ച ശേഷം താരത്തെ അഡിലെയ്ഡ് സ്ട്രൈക്കേഴ്സ് റിലീസ് ചെയ്യും. അതിന് ശേഷം യുഎഇ ഐഎൽടി20 ലീഗിൽ അദ്ദേഹം പങ്കെടുക്കും. ക്രിസ് ലിന്നിന് ബിഗ് ബാഷിൽ കരാര് ഇല്ലാത്ത സാഹചര്യം വന്നപ്പോളാണ് താരം ഗള്ഫ് ജയന്റ്സുമായി കരാറിലെത്തിയത്.
