എ എഫ് സി അണ്ടർ 20 ചാമ്പ്യൻഷിപ്പ് യോഗ്യത റൗണ്ടിലെ അവസാന മത്സരത്തിൽ ഇന്ത്യക്ക് വിജയം. കുവൈറ്റിനെ നേരിട്ട ഇന്ത്യ ഒന്നിനെതിരെ രണ്ടു ഗോളുകളുടെ വിജയമാണ് നേടിയത്. മത്സരത്തിന്റെ തുടക്കത്തിൽ എട്ടാം മിനുട്ടിൽ ടൈസൻ സിംഗിലൂടെ ആണ് ഇന്ത്യ ലീഡ് എടുത്തത്.
ഈ ലീഡ് 72ആം മിനുട്ട് വരെ നീണ്ടു നിന്നു. 73ആം മിനുട്ടിൽ സലെ അൽ മെഹ്താബിന്റെ ഗോൾ ശ്രമം കുവൈത്തിനെ കളിയിലേക്ക് തിരികെ കൊണ്ടു വന്നു. സ്കോർ 1-1. പക്ഷെ ഇന്ത്യ ഈ തിരിച്ചടിയിൽ പതറിയില്ല. 76ആം മിനുട്ടിൽ ഗുർകിറത് സിംഗിലൂടെ ഇന്ത്യ തിരികെ ലീഡ് എടുത്തു. ഈ ഗോൾ വിജയവും ഉറപ്പിച്ചു. അവസാന 8 മത്സരങ്ങളിൽ നിന്ന് ആയി ഗുർകിറത് സിങ് 11 ഗോളുകൾ ആണ് അടിച്ചു കൂട്ടിയത്.
ഇന്ത്യ ഗ്രൂപ്പിലെ ഇതിനു മുമ്പുള്ള മത്സരങ്ങൾ പരാജയപ്പെട്ടിരുന്നു. ഈ വിജയത്തോടെ ഇന്ത്യയുടെ യോഗ്യത പോരാട്ടം അവസാനിച്ചു.
