ഐപിഎലില് ഇന്ന് കൊൽക്കത്ത നൈറ്റ് റൈഡേഴ്സിനെതിരെ ബാറ്റിംഗ് തിരഞ്ഞെടുത്ത ഡൽഹി ക്യാപിറ്റൽസിന് ബാറ്റിംഗ് പരാജയം. ഇന്ന് ടീം 9 വിക്കറ്റ് നഷ്ടത്തിൽ 153 റൺസാണ് നേടിയത്. കൊൽക്കത്തയുടെ ബൗളര്മാര് ആധികാരിക ബൗളിംഗ് പ്രകടനം ആണ് പുറത്തെടുത്തത്.
പൃഥ്വി ഷായും ജേക്ക് ഫ്രേസര്-മക്ഗര്ക്കും അതിവേഗത്തിൽ സ്കോറിംഗ് നടത്തിയെങ്കിലും ഇരുവരും വേഗത്തിൽ പുറത്തായത് ഡൽഹിയ്ക്ക് തിരിച്ചടിയായി. അഭിഷേക് പോറെൽ 18 റൺസ് നേടിയപ്പോള് ഋഷഭ് പന്ത് 27 റൺസ് നേടി പുറത്തായി. വാലറ്റത്തിൽ 35 റൺസുമായി പൊരുതിയ കുൽദീപ് യാദവ് ആണ് ഡൽഹിയെ 153 റൺസിലേക്ക് എത്തിച്ചത്.
കൊൽക്കത്തയ്ക്കായി വരുൺ ചക്രവര്ത്തി മൂന്നും വൈഭവ് അറോറ, ഹര്ഷിത് റാണ എന്നിവര് രണ്ട് വീതം വിക്കറ്റും നേടി.