രണ്ടാം സെമി ഫൈനലിലും എഫ് സി ഗോവയെ പരാജയപ്പെടുത്തിക്കൊണ്ട് മുംബൈ സിറ്റി ഐഎസ്എൽ ഫൈനലിൽ എത്തി. ഇന്ന് മുംബൈയിൽ വച്ച് നടന്ന രണ്ടാം പാദ സെമിയിൽ എതിരില്ലാത്ത രണ്ടു ഗോളുകൾക്കാണ് മുംബൈ സിറ്റി വിജയിച്ചത്. നേരത്തെ ആദ്യപാദത്തിൽ 3-2 എന്ന് സ്കോറിനും മുംബൈ സിറ്റി വിജയിച്ചിരുന്നു. ഇതവിടെ 5-2 എന്ന് അഗ്രിഗേറ്റ് സ്കോറിലാണ് മുംബൈ സിറ്റി ഫൈനലിലേക്ക് മുന്നേറുന്നത്.
ഇന്നു മുംബൈയിൽ ആദ്യ പകുതിയിൽ ഗോളൊന്നും പിറന്നിരുന്നില്ല. 69ആം മിനിറ്റിൽ ജോർഗെ പേരേര ഡിയസ് ആണ് മുംബൈ സിറ്റിക്ക് ലീഡ് നൽകിയത്. 84ആം മിനിറ്റിൽ ചാങ്തെ രണ്ടാം ഗോൾ കണ്ടെത്തിയതോടെ മുംബൈ സിറ്റി വിജയവും ഫൈനലും ഉറപ്പിച്ചു. വിക്രം പ്രതാപിന്റെ അസിസ്റ്റിൽ നിന്നായിരുന്നു ചാങ്തെയുടെ ഗോൾ
കഴിഞ്ഞ ദിവസം ഒഡീഷ എഫ്സിയെ പരാജയപ്പെടുത്തി ഫൈനൽ ഉറപ്പിച്ച മോഹൻ ബഗാൻ ആകും ഫൈനലിൽ മുംബൈ സിറ്റിയുടെ എതിരാളികൾ.