ന്യൂസിലാണ്ട് എയ്ക്കെതിരെ രണ്ടാം ഏകദിനത്തിൽ മികച്ച ബൗളിംഗ് പ്രകടനവുമായി ഇന്ത്യ എ. സഞ്ജു സാംസൺ നേതൃത്വം നൽകുന്ന ഇന്ത്യ എയ്ക്കെതിരെ 47 ഓവറിൽ ന്യൂസിലാണ്ട് എ 219 റൺസിന് ഓള്‍ഔട്ട് ആകുകയായിരുന്നു. 47ാം ഓവറിലെ അവസാന മൂന്ന് പന്തിൽ ലോഗന്‍ വാന്‍ ബീക്ക്, ജോ വാക്കർ, ജേക്കബ് ഡഫി എന്നിവരെ പുറത്താക്കിയാണ് കുൽദീപ് തന്റെ ഹാട്രിക്ക് നേട്ടം സ്വന്തമാക്കിയത്.
ഇന്ത്യയ്ക്കായി കുൽദീപ് യാദവ് നാല് വിക്കറ്റ് നേടിയപ്പോള്‍ 72 റൺസ് നേടിയ ജോ കാര്‍ട്ടര്‍ ആണ് ന്യൂസിലാണ്ടിന്റെ ടോപ് സ്കോറര്‍. രചിന്‍ രവീന്ദ്ര 61 റൺസ് നേടി. രാഹുല്‍ ചഹാര്‍, ഋഷി ധവാന്‍ എന്നിവര്‍ ഇന്ത്യയ്ക്കായി രണ്ട് വീതം വിക്കറ്റ് നേടി.
