സയ്യിദ് മുഷ്താഖലി ട്രോഫിയിൽ ഇന്ന് മഹാരാഷ്ട്രയെ നേരിടുന്ന കേരളത്തിന് വിജയിക്കാൻ 168 റൺസ് വേണം. ഇന്ന് ആദ്യ ബാറ്റു ചെയ്ത മഹാരാഷ്ട്ര 4 വികറ്റ് നഷ്ടത്തിൽ 167 റൺസ് ആണ് എടുത്തത്. അവരുടെ ഓപ്പണർ റുതുരാജ് ഗെയ്ക്വാദിന്റെ സെഞ്ച്വറി ആണ് മഹാരാഷ്ട്രയുടെ ഇന്നിങ്സിന് കരുത്തായത്.
68 പന്തിൽ 114 റൺസ് ഗെയ്ക്വാദ് അടിച്ചു കൂട്ടി. 7 സിക്സും 8 ഫോറും അടങ്ങുന്നതായിരുന്നു ഇന്നിങ്സ്. 31 റൺസ് എടുത്ത ഷാ റുതുരാജിന് പിന്തുണ നൽകി. കേരളത്തിനായി സിജോമോൻ ജോസഫ് 3 വിക്കറ്റും ആസിഫ് ഒരു വിക്കറ്റും വീഴ്ത്തി.
