കേരള ബ്ലാസ്റ്റേഴ്സിന്റ് ഈ സീസണിലെ പ്രതീക്ഷകൾ അവസാനിച്ചിട്ടില്ല എന്ന് ക്യാപ്റ്റൻ സന്ദേശ് ജിങ്കൻ. ഇനി നടക്കാൻ പോകുന്ന സൂപ്പർ കപ്പിൽ കേരള ബ്ലാസ്റ്റേഴ്സിന് വലിയ പ്രതീക്ഷകൾ ഉണ്ട്. സൂപ്പർ കപ്പിൽ കിരീടം ഉയർത്തുന്നതിൽ മാത്രമാണ് ഇപ്പോൾ ടീമിന്റെയും തന്റെ ശ്രദ്ധ എന്നും ജിങ്കൻ പറഞ്ഞു. ഇന്നലെ ഐ എസ് എല്ലിലെ കേരള ബ്ലാസ്റ്റേഴ്സിന്റെ അവസാന മത്സരത്തിനു ശേഷമാണ് ജിങ്കൻ ഈ കാര്യം പറഞ്ഞത്.
ഐ എസ് എൽ ഈ സീസണിൽ ഒമ്പതാം സ്ഥാനത്തായിരുന്നു കേരള ബ്ലാസ്റ്റേഴ്സ് ഫിനിഷ് ചെയ്തത്. ക്ലബ് ചരിത്രത്തിലെ വളരെ മോശം സീസണുകളിൽ ഒന്നായിരുന്നു കേരളത്തിനിത്‌. സൂപ്പർ കപ്പിലേക്ക് നേരിട്ട് യോഗ്യത നേടാൻ വരെ കേരള ബ്ലാസ്റ്റേഴ്സിന് കഴിഞ്ഞില്ല. ഇനി ഐലീഗ് ടീമിനെതിരെ യോഗ്യതാ റൗണ്ട് കളിച്ച് മാത്രമേ സൂപ്പർ കപ്പിൽ എത്താൻ കേരള ബ്ലാസ്റ്റേഴ്സിനാവുകയുള്ളൂ.
