96 റൺസിന്റെ മൂന്നാം വിക്കറ്റ് കൂട്ടുകെട്ടിന്റെ ബലത്തിൽ ലോക ടെസ്റ്റ് ചാമ്പ്യന്‍ഷിപ്പ് കിരീടം സ്വന്തമാക്കി കെയിന്‍ വില്യംസണും സംഘവും. ഓപ്പണര്‍മാരെ രണ്ട് പേരെയും നഷ്ടപ്പെട്ട് അവസാന സെഷനിൽ 120 റൺസ് നേടേണ്ടിയിരുന്ന ന്യൂസിലാണ്ടിനെ സീനിയര്‍ താരങ്ങളായ കെയിന്‍ വില്യംസണും റോസ് ടെയിലറും ചേര്‍ന്നാണ് 8 വിക്കറ്റ് വിജയത്തിേലേക്ക് നയിച്ചത്.
റോസ് ടെയിലറുടെ ക്യാച്ച് ചേതേശ്വര്‍ പുജാര സ്ലിപ്പിൽ കൈവിട്ടതും ഇന്ത്യയ്ക്ക് തിരിച്ചടിയായി. 52 റൺസ് നേടി കെയിന്‍ വില്യംസണും 47 റൺസുമായി റോസ് ടെയിലറുമാണ് കളി കീവിസിന്റെ പക്ഷത്തേക്ക് തിരിച്ചത്. 45.5 ഓവറിലാണ് ഇന്ത്യ നല്‍കിയ ചെറിയ ലക്ഷ്യം രണ്ട് വിക്കറ്റ് നഷ്ടത്തിൽ ന്യൂസിലാണ്ട് സ്വന്തമാക്കിയത്.
