സ്ക്വാഷ് ഇതിഹാസം നിക്കോള്‍ ഡേവിഡിനെ അട്ടിമറിച്ച് ഇന്ത്യയുടെ ജോഷ്ന ചിന്നപ്പ. ജയത്തോടെ ബ്ലാക്ക് ബോള്‍ സ്ക്വാഷ് ഓപ്പണിന്റെ രണ്ടാം റൗണ്ടിലേക്ക് ജോഷ്ന കടന്നു. എട്ട് തവണ ലോക ഓപ്പണ്‍ ചാമ്പ്യനായ താരമാണ് മലേഷ്യയുടെ നിക്കോള്‍ ഡേവിഡ്. സ്കോര്‍: 11-8, 11-6, 12-10. ഏഷ്യന്‍ ഗെയിംസിനിടെയും ജോഷ്ന നിക്കോളിനെ അട്ടിമറിച്ചിരുന്നു.
രണ്ടാം റൗണ്ടില്‍ ജോഷ്ന ഇംഗ്ലണ്ടിന്റെ സാറ-ജേന്‍ പെറിയേ നേരിടും. ഈജിപ്റ്റിലെ കെയറോയിലാണ് മത്സരങ്ങള്‍ നടക്കുന്നത്. ടൂര്‍ണ്ണമെന്റ് മാര്‍ച്ച് 15നു അവസാനിക്കും.
