കേരള ബ്ലാസ്റ്റേഴ്സ് താരം ജിതിൻ എം.എസ് ക്ലബ് വിട്ടു. ഇൻസ്റ്റാഗ്രാമിലൂടെ താരം തന്നെയാണ് കേരള ബ്ലാസ്റ്റേഴ്സ് വിടുന്ന കാര്യം അറിയിച്ചത്. കേരള ബ്ലാസ്റ്റേഴ്സിന്റെ യു.എ.ഇയിലേക്കുള്ള പ്രീ സീസൺ ടീമിലും ഐ.എസ്.എല്ലിനുള്ള ബ്ലാസ്റ്റേഴ്സ് ടീമിലും ജിതിന് അവസരം ലഭിച്ചിരുന്നില്ല.
https://www.instagram.com/p/B3ytJl1Bpg4/?igshid=cr7ot7hw8vtm
തുടർന്നാണ് ജിതിൻ കേരള ബ്ലാസ്റ്റേഴ്സ് വിടാൻ താരം തീരുമാനിച്ചത്. കേരള ബ്ലാസ്റ്റേഴ്സ് ആരാധകർക്കും ക്ലബ് മാനേജ്മെന്റിനും ആരാധക കൂട്ടാഴ്മയായ മഞ്ഞപ്പടക്കും നന്ദി പറഞ്ഞുകൊണ്ടാണ് ജിതിൻ ഇൻസ്റ്റാഗ്രാമിൽ പോസ്റ്റ് ഇട്ടത്. മികച്ച പ്രകടനം പുറത്തെടുത്ത് വീണ്ടും കേരള ബ്ലാസ്റ്റേഴ്സിൽ തിരിച്ചെത്താനാവുമെന്ന പ്രതീക്ഷയും ജിതിൻ പങ്ക്‌വെച്ചു. കേരള ബ്ലാസ്റ്റേഴ്സ് വിട്ടെങ്കിലും താരം ഏതു ടീമിലേക്കാണ് പോവുന്നതെന്ന് വ്യക്തമാക്കിയിട്ടില്ല. ബ്ലാസ്റ്റേഴ്സ് ടീമിൽ അവസരം ലഭിച്ചിരുന്നില്ലെങ്കിലും കേരളത്തിന്റെ സന്തോഷ് ട്രോഫി ടീമിൽ ജിതിൻ ഇടം നേടിയിരുന്നു.
