മലേഷ്യയെ അട്ടിമറിച്ച് ഇന്ത്യ വനിത സ്ക്വാഷ് ടീം വിഭാഗം മത്സരത്തിന്റെ ഫൈനലിലേക്ക്. ഗെയിംസിലെ ഒന്നാം സീഡുകാരായ, ഫൈനലിലേക്ക് സാധ്യത കല്പിച്ചിരുന്ന ടീമായ മലേഷ്യയെ അട്ടിമറിച്ച സ്വര്‍ണ്ണ മെഡല്‍ മത്സരത്തിനാണ് ഇന്ത്യ യോഗ്യത നേടിയിരിക്കുന്നത്. 2-0 എന്ന സ്കോറിനാണ് ഇന്ത്യയുടെ വിജയം.
ഫൈനലില്‍ ഹോങ്കോംഗ്-ജപ്പാന്‍ മത്സരത്തിലെ വിജയികളെയാവും ഇന്ത്യ നേരിടുക. അഞ്ച് തവണ ഏഷ്യന്‍ ചാമ്പ്യനായിരുന്ന നിക്കോള്‍ ഡേവിഡിനെ അട്ടിമറിച്ച് ജോഷ്ന ചിന്നപ്പയാണ് ഇന്ത്യയ്ക്ക് മികച്ച തുടക്കം നല്‍കിയത്. വ്യക്തിഗത മത്സരത്തില്‍ മലേഷ്യന്‍ താരങ്ങളോട് ഇന്ത്യന്‍ താരങ്ങള്‍ ഏതാനും ദിവസം മുമ്പ് സെമിയില്‍ പരാജയപ്പെട്ടിരുന്നു.
