സുല്‍ത്താന്‍ അസ്ലന്‍ ഷാ ഹോക്കിയുടെ രണ്ടാം മത്സരത്തില്‍ ജയം കൈവിട്ട് ഇന്ത്യ. മത്സരത്തില്‍ വിജയം ഉറപ്പാക്കിയ നിമിഷത്തില്‍ നിന്ന് ദക്ഷിണ കൊറിയ അവസാന മിനുട്ടില്‍ ഗോള്‍ മടക്കി ഇന്ത്യയ്ക്കൊപ്പം പിടിയ്ക്കുകയായിരുന്നു.അവസാന മിനുട്ടുകളില്‍ ഇന്ത്യന്‍ ഗോള്‍മുഖത്ത് നിരന്തരം ആക്രമണം കൊറിയ അഴിച്ചുവിട്ടപ്പോള്‍ ശ്രീജേഷും ഇന്ത്യന്‍ പ്രതിരോധവും കിണഞ്ഞ് പരിശ്രമിച്ചുവെങ്കിലു അവസാന സെക്കന്‍ഡുകളില്‍ ഇന്ത്യന്‍ പ്രതിരോധം കീഴടങ്ങുകയായിരുന്നു.
28ാം മിനുട്ടില്‍ മന്‍ദീപ് സിംഗാണ് ഇന്ത്യയെ മുന്നിലെത്തിച്ചത്. ആദ്യ പകുതി അവസാനിച്ചപ്പോള്‍ ഇന്ത്യ ഈ ഗോളിനു ലീഡ് ചെയ്തു. ഇന്നലെ ഇന്ത്യ ആദ്യ മത്സരത്തില്‍ നിലവിലെ ഏഷ്യന്‍ ഗെയിംസ് ജേതാക്കളായ ജപ്പാനെ ഏകപക്ഷീയമായ രണ്ട് ഗോളുകള്‍ക്ക് കീഴടക്കിയിരുന്നു.
